खड्का स्वदेश फर्किए अब हिन्दुवादीहरु तात्ने

काठमाडौं । नेपाली कांग्रेसका प्रभावशाली नेता एवं नेपाली कांग्रेस सनातन हिन्दुराष्ट्र स्थापना महाअभियानका संयोजक  खुमबहादुर खड्का हिजो स्वदेश फर्किएका छन् ।

झण्डै २ हप्ता लामो भारत बसाई पछि उनी हिजो आइतबार साझँ स्वदेश फर्किएका हुन् ।

नियमित स्वास्थ्य उपचारका क्रममा भारतमा बसेका नेता खड्काले त्यँहा राजनैतिक भेटघाट समेत गरेका थिए ।

खड्कालाई विमानस्थलमा नेपाली कांग्रेसका कार्यकर्ता र हिन्दुवादीहरुले भब्य स्वागत गरेका थिए ।

त्यसो त खड्का स्वदेश फर्किए लगत्तै हिन्दुवादीहरुको आन्दोलन समेत चर्किने देखिएको छ ।

अब हिन्दुवादीहरुको आन्दोलन चर्काउनेबारे छलफल हुने समेत स्रोतले बताएको छ ।

विमानस्थलमा पत्रकारहरुसगँ कुरा गर्दै खड्काले हिन्दुराष्ट«का लागि निरन्तर आन्दोलन गर्ने बताए भने मधेसको आन्दोलनलाई बार्ताबाट समाधान गर्नु पर्ने बताएका थिए ।