'माओवादी केन्द्रका यी नेताले दिए यस्तो चेतावनी'

काठमाडौं । सत्ता साझेदार नेकपा माओवादी केन्द्रका नेता देव गुरुङले द्वन्द्वकालीन मुद्दाहरुलाई सत्यनिरुपण आयोगको दायरामा नल्याए आफूहरु सामू जंगल जानुको विकल्प नहुने धम्की दिएका छन् । 

माओवादी केन्द्रका नेता गुरुङले चेतावनी दिदैँ  यस्तो कुरा बताएका हुन् । 

पटक(पटक ध्यानाकर्षण गराउँदा पनि द्वन्द्वकालीन मुद्दाहरुलाई सत्यनिरुपण तथा मेलमिलाप आयोगको दायरामा नल्याइएको भन्दै उनले यसलाई बेवास्ता गरिए आफूहरुले फेरि युद्वको बाटो रोज्ने बताए ।

 राज्यले यसरी पेल्दै लगे माओवादी नेताहरुसामु जेल जाने र युद्व गर्नेमध्ये एउटा विकल्प रोज्नुपर्ने अवस्था आउने भन्दै उनले त्यसबेला दोस्रो विकल्प रोजेर जङ्गल जाने बताएका हुन् ।

अदालतमा विचाराधीन द्वन्द्वकालीन सबै मुद्दा आयोगको दायरामा ल्याउने विषयमा प्रमुख सत्तारुढ नेकपा एमाले र माओवादी केन्द्रबीच गत वैशाखको तेस्रो साता भएको सहमति भएको थियो ।